Aggio sempe ‘ntiso ‘a gente
senza rompere ‘o discorso
pe’ segno di rispetto,
ma primma ancora pe’ me ‘mparà
comm’era fatto ‘o munno.

Miezzo a tanto apprendimento
ho appurato con certezza
ca ‘o rispetto pe’ la gente
dà rispetto pure a te.
Non pe’ legge de compenso
ma pe’ senso ‘e cumpiacenza.
Comme ‘o dono dell’ammore,
che ‘n s’aspetta ‘a ricumpenza.

Attuorno a ste principi basilari
aggio ‘mbustato tutt’ ‘a vita mia
e me songo prestato comm’esempio,
sicuro ‘e fà bene a chi me veneva appriesso.
Ma ogni tanto –che dico- pure spisso,
da ‘o ciummo russo che me scorre dinto,
na voce preputente e assaie biliosa me dice:

“ si si ommo…….”
E che vò dì sta cattiveria?
Che forse n’ommo ca se stima
nun è ommo?
L’ommo che rispetta,
che è paziente,
che vò bene e nun se ‘mposta,
che nun fà ‘a voce grossa
nun è manco nu miezz’ommo?

“si sì ommo…..”
Sarà ommo,  pe’ stu munno,
chi ‘o rispetto se pretene
c’ ‘o ‘e minacce, c’ ‘a viulenza
e t’accavalla ogni mumento
c’ ‘o ogni sorta ‘e maldicenza?
Chi s’accatta c’ ‘o ‘e denare
stima, ammore e ‘o sanghe ‘e ll’ate?

“ si si ommo…….”
Sarà ommo nu marito
che se piazza ‘ncoppo ‘o trono
pretennenno d’ ‘a mugliera
servilismo, anema e core?
Sarà ommo chillo pate
che nun presta nu cunsiglio,
che nun prova cumprensione
che nun spanne nu surriso?

Si so ommo?
J’ so n’ommo
quanno dongo protezione,
quanno ‘e recchie nun so sorde,
quanno ‘a gente me surride
e c’ ‘o tiempo m’allicorda.

 

‘O MILANESE

J’ tengo nu parente milanese.

Pure si è nato a Napule nun ‘o dice.

E’ nu nordista ca nun fà eccezione,

cumpare di Brighella e Balanzone.

A tavola non ha discernimento:

magna sulo p’ ‘a voglia d’abbuffata.

E tutto è sempe buono e te ne adduone

ché scocca ‘a lengua e po’ s’allicca ‘e baffe.

Chiù tiempe passa e chiù chisto s’acceca:

‘o Duomo e ‘a Madonnina so speciale.

Esiste sulo l’arte meneghina,

addirittura  ‘a nebbia va apprezzata.

Ma forse ‘a capa toia è ‘mpresuttata?

Nun arraggiona è proprio scumbinata.

Te sì scurtate ‘e Ischia, Procida e Capri,

Pusillepo, Surriento e Marechiaro?

Te pare ‘e sta nel giusto? Tu si pazzo.

‘A natura nosta l’apprezza o munno sano.

Essa ‘nce dà gioia, l’ammore e nu sorriso.

‘Nanze ‘nce passa sulo ‘o Paraviso.

‘A TRASPARENZA. OVVERO: SAGGEZZA ANTICA

“Direttò, buongiorno ‘o strissemo .

Scusate ‘o fastidio a vussignuria

.Songo venuto ccà quase currenne

pe purtà chiste quatte suldarielle

che m’ha lassate ‘a bon’anema da zia.

Me parevan’o sicuro sotto a n’albero ‘e cerase,

 ma quann’a notte a gente s’è addurmuta ,

ogge, niente te dà arrepuoso e cuitanza”.

Così si espresse, emozionato e incerto,

 il buon Peppino Piedegrosso

 quel giorno che, vestito per la festa,

decise di proteggere le sue cose.

“Aggio saputo che ‘ccà stà na casciaforta

 chiena ‘e barbettune ca tanta gente porta,

 pecchè stann’o sicuro da voglia maligna

 ‘e chi nun sura, ‘e chi nun  s’ ‘e fatica.

Il buon Peppino sembrò anche disposto,

credendo di doverlo per dovere,

riconoscere un compenso al Preposto

 visto che si curava del suo avere.

L’impatto con la Banca fu prezioso,

 il fatto si propose sempre più spesso,

tra una vangata, una semina e un raccolto

 c’era sempre il buon motivo per l’incontro.

Apprese d’interessi, tassi e sconto.

 In poco tempo si fece una cultura.

 Del resto, si è sempre detto ed è saputo

 che il contadino non è di mente dura.

“ Che bella jurnata !

 Nun veco ll ‘ore  ‘e vedè int’e mane meie

 a renneta che caccia ‘o calculatore

e  pe festeggià ‘o fatto 

stasera m’addecreo

 cu nu bicchiere ‘e fraule,

 nu piezz’ ‘ e pane niro e quatte noce”.

Col tempo il Direttore si affannava

proponendogli altre operazioni

ma Peppino, che sicurezza or sprigionava,

rispose con fermezza e persuasione:

“ Caro Direttoro, sentite a me

 non è poi tanto difficilo

 ‘a ll’urdemo ‘e ll’ anno,

vicino ‘e sorde miei

m’avite fa vedè chille prummise,

Senza troppa confusione,nun  è ‘o caso,

ll’ immagina da Banca  s’arruvina!

 CC, CPT, CCT e PP ponne stà bene

 comme i Fondi ‘e ‘nvestimente e ‘e BOTTE

ma na cosa è certa e mai potrò sbagliaro

 che doie chiù doie fà quatte

e questo cunto posso sempre controllaro

 cuntanno ‘e dete meie ‘ncoppa ‘a ponta d’ ‘o naso.